"ATILA EN GALICIA. Estampas por Castelao", Castelao

A EDITORIAL GALAXIA PUBLICA EN EDICIÓN FACSIMILAR OS ÁLBUMES DE GUERRA DE CASTELAO. É A PRIMEIRA VEZ QUE SE PUBLICAN A PARTIR DAS LÁMINAS ORIXINAIS

A Editorial Galaxia pecha o seu ano literario coa publicación dos Álbumes de Guerra de Castelao. E, por vez primeira, a edición facsimilar realízase a partir das láminas orixinais que están depositiadas no Museo de Pontevedra. Outras edicións fixéronse antes pero nunca como desta volta fai a Editorial Galaxia que os publica por separado e mantendo as características que o propio Castelao quixo para o seu traballo.

Os tres álgumes edítanse en edición facsimilar e respectando escrupulosamente as edicións orixinais feitas e controladas polo propio Castelao no seu tempo.

Os Álbumes de Guerra conteñen as estampas que Castelao realizou para dar conta das barbaridades do fascismo durante a Guerra Civil Española e están compostas polos títulos Galicia Mártir, Atila en Galicia e Milicianos.

O Castelao humorista deixa paso ao Castelao cronista dun tempo de barbarie que, nas súas estampas, queda inmortalizado coma un berro desesperado e unha protesta contra da barbarie dos fascistas e dun tempo escuro que convén non esquecer para non repetir xamais.

Agora, e por vez primeira, a disposición do público galego nunha coidada edición facsimilar que respecta ao cen por cen as calidades e as tonalidades que o propio Castelao aprobou cando saíron no seu día do prelo.

• Páxinas : 24
• Deseño : Rústica
• Dimensións : 194 x 267
• Data Publicación : 12/12/2018
• Colección : Álbumes de guerra
• Editorial : Galaxia
• ISBN : 978-84-9151-276-9