"A PANTASMA DA ILLA DE CORTEGADA", Paula Carballeira / Blanca Millán

Libro

A PANTASMA DA ILLA DE CORTEGADA

Nesta famosa illa hai unha Árbore Comepedras.

Hai un bosque de loureiros.

Hai unha ermida cun cruceiro.

Hai casas abandonadas.

Hai auga doce e salgada.

Hai xabarís e londras que volveron.

Hai recordos de barcos que naufragaron hai séculos…

e hai unha pantasma que viron bailar.

Atréveste a adentrarte nesta illa chea de historias e de misterios?

RECOMENDAMOS O LIBRO POR:

Se hai algo que atrae de maneira especial sobre todo aos máis novos, son as historias de misterio. Un neno cunha historia de misterio entre as súas mans, é un neno con moitas preguntas para saciar a súa curiosidade. É a escusa perfecta para pasar ese tempo de calidade cos teus pequenos nos que a complicidade e a diversión únense ao desenvolvemento integral do neno.

Paula Carballeira, especialmente neste texto e de maneira moi máxica e poética desenvolve esta historia moi próxima á narración oral sobre lendas e mitos populares. Esta é a historia de MARUXA A BRAVA, unha muller que un día aposta unha empanada coas súas amigas mariscadoras a cambio de pasar unha noite nunha misteriosa illa onde se di, se cónta, rumoréase que viron bailar a unha pantasma. O seu obxectivo é claro demostrar que non existe e que son lendas inventadas. Conseguirá Maruxa pasar esa noite na illa? Demostrará que esa famosa pantasma non existe? Perderá esa empanada coas súas amigas e compañeiras por tratar de demostrar que esas lendas non existen?

TRIQUETA EDITORA

AUTORA: Paula Carballeira

ILUSTRADORA: Blanca Millán

ISBN: 978-84-18687-23-5

PUBLICACIÓN: 2022

FORMATO: Tapa dura (formato calendario)

MEDIDAS: 22 x 29 cm

PÁXiNAS: 40

Idade ORIENTATIVA: >4