"A MÚSICA DAS ÁRBORES" - Anxo Moure / Servando Barreiro

Libro-CD

A música das árbores
Música: Servando Barreiro
Texto: Anxo Moure e Servando Barreiro
Ilustracións: Chus Láuzara
Editorial: Xerais

«Graciano Zoqueiro, trasniño e gaiteiro, descubriu que as árbores facían música. Cando o vento move as pólas nace unha sinfonía, unha orquestración. Cando a chuvia cae nas follas soa un violín, unha gaita, unha zanfona, cada vez que unha treboada fai danzar os freixos ármase un espectáculo de ballet...»

A música das árbores é un libro-disco que conxuga a narración, a música e a poesía para falarnos da posibilidade dun mundo onde os seus habitantes vivan en harmonía coa natureza e onde os problemas se amañen facendo falar os corazóns.